بعد أنباء رحيله عن الزمالك.. محمد صبحي يثير الجدل برسالة غامضة
أثار محمد صبحي، حارس مرمى الفريق الأول لكرة القدم بنادي الزمالك الجدل، برسالة غامضة، وسط أنباء رحيله عن القلعة البيضاء، خلال فترة الانتقالات الصيفية الجارية
وترددت عدة أنباء خلال الفترة الماضية عن رحيل محمد صبحي من نادي الزمالك إلى بيراميدز، وذلك بعد تراجع أدائه مع الفريق.
وقال محمد صبحي في ستوري عبر موقع التواصل “انستجرام”: “متستغربش لما تلاقى حد كارهك وإنت معملتش معاه أي حاجة وحشة ولا تتصدم لما تعمل الخير مع حد ويردهولك في الآخر أذية، نفوس الناس مش زي بعضها وفي قلوب كثير حوالينا ماليها الحقد والغل، مش كل الناس هتحبك وتتمنالك الخير”.
اقرأ أيضا.. صفقة من الدوري الألماني تشعل المنافسة بين الأهلي والزمالك
وأضاف حارس الزمالك: “مهما قدمتلهم حاجات حلوة، مهما كان قلبك أبيض وبتحب الخير للكل، هتتشاف وحش في عيون ناس كتير، مهما كانت تصرفاتك تلقائية وطبيعية ناس هتشوفها مقصودة ومدروسة حتى جدعنتك إللي بالفطرة هتتحسب منظرة وحب للظهور، مش كل الناس هتحب تعرفك ع حقيقتك ولا كل الناس هاتشوفك زي ما إنت، ناس كتير جدًا بيشوفوك بطباعهم وسواد قلوبهم”.
واختتم صبحي: “بقينا في زمن العجايب، ف توقع الغير متوقع، امشي زي ما إنت وزي ما إنت إتربيت، وما تستناش خير من حد وإياك تعافر عشان تثبت لحد إنك كويس، ومش مهم أبدًا تكون عند الناس إيه، ولا هما باصينلك إزاي، لينا رب هو اللي عارفنا وشايف قلوبنا وعارف نوايانا وهو ده بس المهم مش البشر أبدًا”.
