وجه أحمد عيد عبد الملك نجم الزمالك السابق رسالة نارية إلى أحمد مرتضى منصور عضو مجلس ادارة النادي بعد مشادة الأخير مع أيمن يونس نجم القلعة البيضاء السابق.
وكان أيمن يونس طالب مجلس إدارة الزمالك بالاستقالة، ليرد عليه أحمد مرتضى: “أنا حصلت على بطولات أكثر منك مع الزمالك”.
ورد أحمد عيد عبد الملك على أحمد مرتضى بعد تصريحاته الهجومية ضد أيمن يونس قائلًا: “البطولات..وقف القيد، فشل في تجديد عقود نجوم الفريق، بيع نجوم الفريق، بيع اهم لاعب في مركزه بدون نسبة اعادة بيع ورجوعه علي المنافس،١٠ سنين مخدتش دوري أبطال اللي كابتن أيمن معاه منه ٣”.
وأضاف: “أبوك الي بيخوض في اعراض الناس واللاعيبة الي في النادي ..فرع ٦ اكتوبر اللي روحت اتصورت جنب الونش وجيت ..النادي اللي بقي ١٠٠ الف عضوية ومحدش بيعرف يقعد فيه ..ده حتي فشلت تظبط المنبه تصحي اخوك يدفع غرامة اتشيمبونج وصحيته علشان يتكتك لبابا في الانتخابات”.
وواصل نجم الزمالك السابق: “هو انت عمرك اخدت قرار او اي حد معاك يقدر ياخد قرار انتو صورة بس !!ادخل بقي كدة علي كلامك ده لكابتن ايمن الي محدش ينفع يتقارن برباط جزمته ودمه الي كان بيسيل في الماتشات علشان يعمل تاريخ للنادي وشوف رد فعل الناس لو لقيت ١٠ معاك من الجمهور يبقي انت الكسبان”.