فتحت نيرة الأحمر مقدمة برنامج ملوك الصالات بقناة الزمالك النار على إتحاد كرة اليد بسبب التعنت مع فريق يد الفارس الأبيض ورفض قيد اللاعبين إلا بعد سداد المديونية بالكامل.
وقالت نيرة الأحمر في تصريحات متلفزة عبر قناة الزمالك: ”مايحدث مع فريق اليد بالزمالك جريمة، ومش مستتقلة الكلمة لأنها جريمة“.
وتابعت: ”ليه بتحارب الزمالك في التوقيت ده، ليه عاوز توقع الفريق واحنا داخلين على بطولة أفريقيا، الفريق اللي التاريخ شاهد على بطولاته، وشاهد أن الألقاب والبطولات اللي الزمالك اخدها محققهاش نادي ثاني”.
وأكدت: ”الزمالك بيمر بمرحلة انتقالية وموجود لجنة لتيسير الأمور العاجلة وإقامة الانتخابات، لما أقول للجنة أدفعي 4 مليون كاش غير 4 مليون آخرين موجودين في البنك أنت بتتكلم 8 مليون”.
وواصلت: ”لما اللجنة تديك 8 مليون على الترابيزه، ده عندهم هموم ومشاكل غير طبيعية، يعملوا ايه في باقي الألعاب والمرتبات والمدربين والعمال، ليه مانا أثبتلك حسن نيتي واديتك 2 مليون لا عاوز 8 كاملين ليه مش فاهمة، يعني أجيبها منين”.
وأتمت ”لما بنلاقي نادي بكيان الزمالك بيمر بأزمة دي تكون طريقة التعامل؟، أنت بتتعامل مع نادي محترم وفلوسك مش هتروح عليك، اللي كانوا موجودين قبل كده كان في نوع من المرونة المفروض تكون مرن معايا أكتر من كده”.