علق أحمد عيد عبد الملك نجم نادي الزمالك السابق على هزيمة القلعة البيضاء اليوم أمام فريق أرتا سولار الجيبوتي ضمن منافسات دور الـ32 بطولة الكونفيدرالية.
وكتب أحمد عيد عبر حسابه الرسمي على موقع التواصل الإجتماعي “تويتر”:” هو كدة كدة ٨٠ ٪ من اللاعيبة الي موجودة دي متلبسش تيشرت الزمالك اصلاً ومع كدة بتلاعب فرقة علي قدها خالص واديتك علي دماغك علشان متعالي”.
وأَضاف” ومش عارف علي ايه ده انتو خسرانين كل حاجة مفيش حد عنده نخوة علي التيشرت الي لابسه ده ميزتك الي مخوفة الفرقة منك انك لابس تيشرت الزمالك بس مش امكانيات منك له”.
وتابع حديثه” ” إضافة للكباتن الكبار أصحاب الفرقة الي مسافروش علشان الفلوس والي هيقول مصاب يبقي بيهزر ومحدش بيتكلم عليهم كلمة !”.
وأنهى حديثه” و انا الصراحة كمان اول مرة اشوف فترة اعداد ١٢ يوم بس لا ده هزار”.
وتعرض فريق الزمالك بقيادة الكولومبي خوان أوسوريو أمام نظيره أرتا سولار بهدفين دون رد على ستاد عزام في دور ال32 من كأس الكونفدرالية في مباراة الذهاب.
وأحرز هدف أرتا سولار الأول اللاعب جابريل دادزي في بداية الشوط الثاني من اللقاء قبل أن يسجل محمود البيه الهدف الثاني في الدقيقة 60.